بسمع ناس كتير بتسأل
" راح فين الحب بتاع قبل الجواز ؟! "
بحسه بالظبط زي اللي بيسأل " راحت فين البذرة بتاعة شجرة التفاح ؟! " البذرة اللي أتزعت في الٔارض زمان دي أتطورت و أتغيرت و كبرت ، بقت نبتة وبعدين شجرة و طلعت أزهار والٔازهار بقت فاكهة . الحب نفس الحكاية ، بيكون بذرة في الٔاول بعدها هيتغير و هيتشكل و هيتطور و هيبقى مشاركة و عشرة و مودة و رحمة . دوروا على الحب مابينكم ، دوروا على أشكال الحب النهارده مش بتاعة زمان ، دوروا على الحب بكل أشكاله و ما تصروش إنكم تلاقوا الحب في معاني محدودة أنتم اللي بتصنعوها و تلزموا نفسكم بيها .. دوروا على الحب في الإهتمام ، التعاون ، التواصل ، التسامح ، الكرم ، التربية المشتركة، التغافل ، المسؤولية ، الإستماع ، المساعدة ، وبعدين يجى الكلام الحلو ، والرسايل ، و الهدايا . الحب أشكاله كتير ومتنوع ومتغير . البذرة ماراحتش ، هو شكلها بس اللي أتغير .
تعليقات
إرسال تعليق