المربى الفاضل الأستاذ عثمان طه بدوى

هو لو البنت او الشاب كان ليهم تجارب عاطفية قبل الخطبة هل ينفع عند الخطوبه انهم يحكوا لبعض والا لا ؟
انا من رأيي الشخصي لأ متحكيش حاجه للمتقدم لخطبتك أو خطيبك حتى لو سألك وانت برضوا متحكيش ليها اي حاجه حصلت معاك قبل الخطوبه ؛؛ أولا إللي عايز يخطبك مالوش غير انتي حاليا إيه , وماقبل ذلك فهو ملوش دعوه بيه ، ونفس الكلام ينطبق على الشاب برضوا .. ولازم تفهمي حاجة في نفسية الرجل الرجل لو عرف إن خطيبته أو زوجته كان لها ماضي عاطفي , هاتفضل الخيالات تطارده مدى الحياة وتنغص كل لحظة حلوة بينكم , وعمره ما هاينسى , مهما كانت درجة صلاحك حاليا ونفس الكلام للشباب برضوا .. ثانيا لو حكيتي ليه , فانتي كده بتهتكي ستر ربنا عليكي , فمادام توبتي وربنا سترك فلا يحق لكِ كشف ستر الله وفضله عليكي وكذلك الأمر برضوا الكلام ينطبق ع الشباب .. فياريت كل بنت ربنا أكرمهما بتوبة إنها تدفن كل ده وتنساه للأبد , علشان تعيش مع المتقدم لها عيشة ترضى الله بالنسبة للشباب خاصة بقا ياريت لو خطبت متفضلش تسألها عن ماضيها وتبحث وراها لأنك مادمت ارتضيتها للخطبة فأكيد هى إنسانة كويسة ومحترمة , فبلاش تفضل تدور فيما قبل ذلك , ولا يحق لك أو لها أصلا أن تتكلما في أمور سترها من الأخر مادام البنت كويسة ومحترمة , يبقى كمل معاها من غير ما تسأل وتعكنن عليها وعليك ومادمتي تركتي كل حاجة وتبتي إلى الله يبقى انسي تماما ومتحكيش أبدا أي ذنب عملتيه ... وربنا يكرم الجميع ويحفظهم ياااااااارب ..