المربى الفاضل الأستاذ عثمان طه بدوى

مش معنى إن البنت تكون عدت سن ال ٣٠،٢٥ أو ال ٤٠ سنة حتى ومتكنش لسه إتجوزت إنها وحشة أو إن محدش إتقدملها.
بالعكس فيه منهم ملكات جمال مش بس جمال الشكل لا جمال الفكر والروح كمان. قصة الزواج دي نصيب زي الرزق بالظبط. وزى ما من حق الراجل إنه يختار على مزاجه ويقعد يدرس المزايا والعيوب لحد ما يلاقي بنت الحلال اللي بيتشرط عليها ومش مهم الوقت يعدي ويختار على مهله. من حق كمان أي ملكة تختار الشخص اللي هتشاركه فرحها وحزنها،مشاكلها،تفكيرها....إلخ. ومش من حق أي حد إنه يقيدها بوقت معين لو مختارتش قبله خلاص ترمي نفسها بقى في أي حتة عشان ترضي الناس اللي حواليها. الناس كده كده مش هتسيبك في حالك...لو اتجوزتى هيقولوا مستعجلة...ولو مخلفتيش في خلال سنة هيقولوا العيب من مين...ولو اطلقتي هيقولوا طلقها ليه..!!..ولو متجوزتيش هيقولوا محدش عايزها...في كل الحالات هيتكلموا....يبقى لا تعطى لهم أهمية. انتى اللى هتعيشى كل اللى جاى مش هما أنتى ملكة حتى يأتى من يعطيكي التاج الذي يليق بك