المربى الفاضل الأستاذ عثمان طه بدوى

 لكل الناس اللى محتاره ومش عارفه ايه اللى بيتخصم من العداد مسبوق الدفع (الكارت) وليه بيتخصم حاولت أجمع لحضراتكم كل النقاط اللى تقدروا بيها تستفيدوا وازاى تعرفوا تتابعوا العداد

ازاى تعرف تحسب استهلاكك والخصومات التى تتم على العداد من خلال شرائح المحاسبه لعام ٢٠٢٠ وذلك على النحو التالى

1- من صفر إلى 50 كيلو وات 38 قرش/ ك.و.س

2- من 51 إلى 100 كيلو وات 48 قرش / ك.و.س

3- من صفر حتى 200 كيلو وات 65 قرش/ ك.و.س

4- من 201 إلى 350 كيلو وات 96 قرش/ ك.و.س

5- من 351 إلى 650 كيلو وات 118 قرش/ ك.و.س

المستهلك أكثر من 650 ك.و.س/ ك.و.س

6- من صفر إلى أقل من 1000 كيلو وات 118 قرش/ ك.و.س

7- من صفر لأكثر من 1000كيلو وات 145 قرش/ ك.و.س

فى خصم بيتم فى الشريحه الثالثة ده اسمه فرق الانتقال من شريحه الى شريحه وبيكون قيمته ٢٢ جنيه للاسعار الحالية

بتتحسب ازاى

٥٠ كيلو × ٣٨ قرش = ١٩ جنيه

٥٠ كيلو × ٤٨ قرش = ٢٤ جنيه

يعنى اجمالى الشريحتين ٤٣ جنيه لاول ١٠٠ كيلوا

لكن لو حضرتك كسرت ال ١٠٠ كيلو يعنى مثلا بقيت ١٠١ ده معناه ان اول شريحتين اتلغت بالنسبالك

وبداية المحاسبه ليك من الثالثة عشان انت فوق ال ١٠٠ كيلو طريقة حسابها

١٠٠ كيلوا × ٦٥ = ٦٥ جنيه

عشان كده بنقول ٦٥ _ ٤٣ = يبقى الفرق ٢٢ جنيه وهيا دى حكاية ال ٢٢ اللى بتتخصم اول متوصل للشريحه الثالثة عشان فى الاخر يبقى الاجمالى اللى اتخصم منك ٦٥ جنيه

وده بيحصل ليه عشان الدولة قالت الشريحه الاولى اول ٥٠ كيلو بسعر مخفض ٣٨ قرش والتانيه ٥٠ كيلو بسعر مخفض ٤٨ قرش ودى بيسموها شريحة محدودى الدخل حتى ١٠٠ كيلوا فقط مدعومه لكن لو عديت ال ١٠٠ يعنى مثلا ١٠١ ده معناه ان الدعم غير مستحق

عشان بيحاسبك على ال ١٠٠ كيلو اللى انت استهلكتها هو اجماليها ٦٥ جنيه وده مش معناه ان انت كده مش مدعوم ولكن متقسمه فئات

الخصم التانى نفس الفكرة لو وصلتى ٦٥١ العداد هيخصم تلقائى فرق استهلاك بقيمة ١٣٩ جنيه فرق الدعم

بالاضافة الى الخصم الثالث والاخير وهنا لازم تخلى بالك كويس اوى

وتعرف الفرق بين الـ1000 كيلو المدعومة حتى آخر الشريحة السادسة، وتبلغ قيمتها ١١٨٠ جنيهًا

والـ1001 غير المدعومة تبلغ قيمتها 1450 جنيهًا للشريحة السابعة.

بمعنى إذا تجاوز المشترك فوق 1000 كيلو بكيلو مثلًا 1001 يعنى ذلك أن المشترك تخطى 1000، لذلك تتم محاسبته على 1000 كيلو في 1.45 قرش وتساوي 1450 جنيهًا بدلا من ١١٨٠ جنيهًا، وبالتالى يتم سحب الدعم والذى يبلغ ٢٧٠ جنيهًا

مش ٤٧٠ انا بقول الكلام ده علشان فى ناس كتير فهمت ان بيتخصم ٢٢ مضاف اليه ١٣٩ مضاف اليه ٤٧٠ وده مش بيحصل نهائى

يعنى الاجمالى كده كله لو حضرتك حسبته هتلاقى لو عديت الالف كيلو

هتلاقى الاجمالى العام كله فى حالة تجاوز ال ١٠٠٠ كيلوا هو = ٢٢+١٣٩+٢٧٠ = ٤٣١ مضافا اليه قيمه مقابل خدمة العملاء بواقع ٤٠ جنيه عشان دى اخر شريحه يعنى الاجمالى العام اللى هو فرق الدعم فى حالة تجاوز ال ١٠٠٠ كيلو ٤٣١ + ٤٠ جنيه مقابل خدمة العملاء = ٤٧١ جنيه

بالإضافة إلى خصم مقابل خدمة العملاء فى آخر يوم من الشهر وذلك وفقًا لآخر شريحة لدى المشترك على النحو التالى:

- الشريحة الأولى جنيه.

- الشريحة الثانية جنيهان.

- الشريحة الثالثة 6 جنيهات.

- الشريحة الرابعة 11 جنيهًا.

- الشريحة الخامسة 15 جنيهًا.

- الشريحة السادسة 25 جنيهًا.

- الشريحة السابعة 40 جنيهًا.

7- من صفر لأكثر من 1000كيلو وات 145 قرش/ ك.و.س

ومن الضروري أن يتم التأكيد أنه لا يتم خصم مقابل خدمة العملاء لكل شريحة؛ وأنما يتم الخصم بناء على آخر شريحة مسجل عليها المشترك آخر يوم فى الشهر فقط.

وأنه فى حالة عدم الاستهلاك (مغلق) يقوم العداد فى نهاية كل شهر بالخصم التلقائى فيما يعرف بالمقروء بصفر وقيمته 9 جنيهات شهريًا فى حالة عدم الاستهلاك.

ودى كل الخصومات.