شغال إستقبال بس
أحيانا بيجي عالواحد وقت بيبقي عامل فيه زي الموبايل لما رصيده يخلص .. بيبقي شغال إستقبال بس .. مهما حاول يدي مبيعرفش .. مفيش إرسال .. مفيش حتي رنههو مش فاصل طاقه .. عنده طاقه .. بس عنده أوبشن متعطل عشان معهوش تمنه في الوقت الحالي مش قادر يتكلم .. مش عاوز يخرج .. مش عاوز حد جمبه بس مستنى كلمه أنا معاك .. بيشترى أكل بحماس وبعدين يسيبه .. بينزل الشغل وهو مضطر .. بيتعامل مع إللى حواليه وهو عقله وقلبه مش معاهم .. في الوقت ده ولحد ما يرجع الأوبشن يتشغل بيبقى عاوز إللى يفهمه مش إللى يضغط عليه .. عاوز إللى يفهم إن الأوبشن فعلا عطلان وتشغيله بالإكراه مش هيجيب نتيجه .. وإن تمنه لازم يبقي طالع من جوا الشخص .. مينفعش يستلفه .. مينفعش يدفع مكانه حاجه تانيه عشان يقدر يشتريه .. هو عاوز تفهم واحتواء مش حكم وتوبيخ ..
تعليقات
إرسال تعليق